Friday, 11 February 2011

بيان الرئيس

يموت تُلتُمّية

ودة يقول هسيبكم

وافوض مكانى
...
يا عقرب.. يا حية

فبطل تنادى

وتصرخ ..حرية

يا شعبى العزيز



وقبل اما حتى

تجف الدموع

يقولك رجوع

يقولك خنوع

يقولك نطفى بايدينا الشموع

سيادة الرئيس

بحكم الجموع

بيانك خسيس



يقولك هلّجم

لسانكوا بلجام

يقولك هخدّر

جنابكو بكلام

وسوسى هيفضل

يخور فى العظام

ياريت لو تقولوا

عليكوا السلام

ودم اللى ماتوا

هيطلع فطيس



يقوللك حكمت البلد تلاتينية

عزفت بدموعكوا على السمسمية

اغانى القسية

وقّلبتكوا فسبعين مليارية

وغرضى الوحيد فى الشهور اللى جاية

اقّفلها مية

...

..

فاكرها تكية

ومالهاش وريث



سيادة الرئيس

ياريت بس تسمح

تبطل تطلع لشعبك لسانك

ياريت بس تسمح

تبطل تجعجع...تبطل كلامك

شبابنا عفية

قوية وأبية

وكام مليونية

هتفضل تقوللك

توقّف بيانك

وتعزل ديوانك

وتسقط نظامك

وترحل يا تيس
 
 

5 comments:

Israa' A. Youssef said...

enty bgad moshkela! :))

الانسة سوستة said...

اسراء

مبروك علينا الحرية انا كنت منزلة البوست دة بعد بيان الرئيس العقيم بتاع امبارح بالليل :)

mrmr said...

مبررررررررررررروك علينا مصر يا قمر

الانسة سوستة said...

مبروك حريتنا يا مرمر :)

Israa' A. Youssef said...

mabrook 3lena kollena :D:D

There was an error in this gadget