ارتحتلك

فجأة كدة
معرفش ليه بتشدلك
..
ومرة واحدة آمنتلك
....
...لقيتنى فجأة بفكر فيك
...بخاف عليك
..وبحنلك
اصلى بصراحة ارتحتلك
...
..وبغير اوى
من اى حاجة تشوفها عينك تخطفك
وتحبها
..وبغير اوى
من كل حاجة بتعجبك
....
حسيت بحب جوة قلبى نحيتك
حسيت كان عمرى كله
انا عشته بيك وعشتلك
حسيت كانى وصلت لنهاية طريقى
لما بس وصلتلك
حسيت بشوق بياخدنى ليك
حسيت بانى اشتقتلك
..
فرجعتلك
وكتبتلك
قلت اسألك
ان كنت حاسس بالهوى اللى بحس بيه
ان كنت حاسس ان انا اللى بكملك
ان كنت حاسس بالغرام واخدك بعيد
لما عينى تبصلك
...
"رديت ساعتها وقلتلى ..." انا بعشقِك
ومنايا تِكمَل فرحتى بانى اسرقك
واحميكى من كل البشر
..بس اسمحيلى انى اعشقِك
..
وقلتلى انى بكـمـــلّك
وبــلــونك
وبــجملّك
..
...معرفش ليه اتطمنتلك
..خبّطت باب قلبى لقيتنى فتحتلك
..واما ناديتنى انا سبت كل الدنيا وروحتلك
..
تسألنى ليه قربتلك؟
..
منا من ساعتها قلتلك
...
..
ارتــــــــــحتــــــلك

تخاريف

وصفة تاجر السعادة لجل ما تفرفشوا
انسوا اللى فات وبلاش  تقلبوا فى القديم وتنكشوا
وان حاجة زعلتكوا اتعلموا تطنشوا
وابعدوا عن الهم ومن وشه اطفشوا




***************


لان الجهل من عقولنا اختفى
وختم السذاجة اتشال من ع القفا
ارحمونا وكفاياكوا فلسفة
فحجات مالكومش بيها سابق معرفة




***************

مادام عن حلمك اتخليت
وعن طموحك استغنيت
ومن محاولات النجاح تعبت واكتفيت
ماتزعلش  بقى لو فى المركز الاخير بقيت

بالعند فيكى

بالعند فيكى يا دنيا هتحمل
ولا يوم هقف وفسكتى مكمّل
وان حطيتيلى ميتين مطب فى طريقى
همشى لحد ما حلمى يتكمّل


بالعند فيكى انا هقوى مش هضعف
واقف قصادك بوعدك واحلف
مهما  ان رميتى الحمل على ضهرى
مش هتكسرينى وقلبى مش هينزف


بالعند فيكى يا دنيا مش هسمح
ولا يوم هوافق قلبى يتجرّح
وان رصيتيلى الهم فوق كتفى
هعند معاكى بضحكتى وافرح

تخاريف

ياللى بالنفخة الكدابة بتتمتعوا
وبتعيشوا اوى فى الدور وبتبرطعوا
خليكوا كدة زى البلالين منفوخين
لحد  فى الاخر ما هتفرقعوا


*´'`°¤¸¸.•'´`'•.¸¸¤°´'`**´'`°¤¸¸.•'´`'•.¸¸¤°´'`*

عصفوروبحب الحرية
غيرالطيران معرفش
وحدودي للسمامعدية
وعلي الحبسة انامقدرش
افرد جناحاتي المتنية
وف بكرة ما بفكرش



*´'`°¤¸¸.•'´`'•.¸¸¤°´'`**´'`°¤¸¸.•'´`'•.¸¸¤°´'`*


اتعلم ان حبك للناس ميبقالوش حدود
اتعلم ازاي بابتسامتك تهد اي سدود
واتعلم بكبر قلبك تساع كل الوجود

لست كباقى النساء

                              كلا سيدى 
                             لن تأسرنى 
                              لن تملكنى
 لن تسرى داخلى مسرى الدماء
                              لن تشتتنى
                               لن تبعثرنى
              لن تمزقنى يوماً لأشلاء
                       لن اطوف بمدارك
                            لن ادور حولك
      لن ارتطم بك فأتحطم لأجزاء
                               لن تكسرنى
                              لن تحطمنى
            ارجوك لا تتكبد هذا العناء
                  لن اكون مثل اللواتى
         اخترن حبك ورفضن الشفاء
                  لن اكون مثل اللواتى
     سلكن بسذاجة طريق الشقاء
                   لن تعلمنى التعاسة
                        لن تعلمنى البكاء
                     لن اكون يوماً لرجل
                       لا يعرف الا الجفاء
                  لن يكون حبك حياتى
                     لن يكون بعدك فناء
                    لن تكون ا نت الحياه
                     لن تكون ا نت الدواء
                                ارفض حبك  
                                ارفض قلبك
           ارفض سيدى هذا السخاء
                      لن اكون الا لرجــل
                 ا نا  له كل الاشيــــــاء
                       لن اكون الا لرجــل
          يحَلّق بقلبى لأبعد سمــــاء
                        لن اكون الا لرجــل
              يرا نى بعينه كل النســـاء
                        لن اكون الا لرجــل
                        ا نا  له الماء والهواء
         ا تعرف لماذا رفضت البقـــاء ؟
         لأنى لســــت كباقى النـســاء

تخاريف

مادام عن حلمك اتخليت
وعن طموحك استغنيت
ومن محاولات النجاح تعبت واكتفيت
متزعلش بقي لو فالمركز الاخير بقيت



عافر واتحدي خوفك ومتهداش
اركب سفينة حلمك وماترساش
غابة من غير اسودة مابتبقاش
ودنيا من غير خطورة ابدا ماتنعاش



لو من روتين حياتك مليت........جددها
ولو عالسعادة دورت ما لقيت..... اوجدها
ولو من كترالضلمة عن الفرحة اتعميت.....بددها

                                      فيها ايه لو ع الواقع تتمرد

                                       وفاتوبيس احلامك تتشعبط

                                     وفوق سور المستحيل تتنطط

                                          تلقى اللى حلمت بيه

                                         فيها ايه لو للنور نورت

                                      وعلى عفاريت الضلمة قدرت 

                                          وعلى مخاوفك اتغلبت 

                                             حاول مستنى ايه

                                               فيها ايه اما تتعلم

                                         للاستسلام عمرك ما تسلّم 

                                       وماتسيبش الدنيا ف وشك تضلم

                                       يأسك تـــــــــقــــــــدر عليــه

                                          فيها ايه لو كل ما وقعت

                                          وقفت من جديد وحاولت 

                                            ومن اخطاءك اتعلمت

                                               جرب مستنى ايه ؟

خطابات جاهينية الطابع....4

تقابلنى لحظة حلوة

افرح بيها واطير

يقابلنى خوف وضيق

اردم عليهم البير

كلامى للى سألو 

عن السعادة كتير

وسلامى للى كسروا 

ملل الصمت بزمامير

*´'`°¤¸¸.•'´`'•.¸¸¤°´'`**´'`°¤¸¸.•'´`'•.¸¸¤°´'`*

عقول خدت الاجازة

دى عقول مالهاش عازة

من كتر الركنة ماتت

وهنشيعلها الجنازة

شغل مخك يا هذا

واياك تديه اجازة

وسع للفهم سكة

فكر واسأل لماذا

*´'`°¤¸¸.•'´`'•.¸¸¤°´'`**´'`°¤¸¸.•'´`'•.¸¸¤°´'`*

اتعرف على نور الشمس

وافتح بيبانك للهوا

اتنطط فوق سور اليأس

وفى البراح تلقى الدوا

حاجز حدودك يختفى

هاجس مخاوفك ينطفى

كل المتاعب تتنسى

فرحة وامل يزوروك سوا

خطابات جاهينية الطابع ...تالت مرة ....اكشن

من فشلك تقوى ما تتعبش
دى الشمس بتشرق بعد مغيب
حاول تانى وماتيأسش
مهما تخيب لك يوم هتصيب
تتعلم من فشلك مرة
تتجنب سببه تانى مرة
راح تنسى اللحظات المرة
لما نجاحك يبقى قريب




*´'`°¤¸¸.•'´`'•.¸¸¤°´'`**´'`°¤¸¸.•'´`'•.¸¸¤°´'`*

اصحى لبكرة.. فجر فكرة.. ابنى حياتك واشترى امل
بيع اليأس ..انسى الغم ..هد همومك سيب الممل
وان طلع البعبع ماتخافش
ولا تقلقش
ولا تهربش
صاحبه وحبه يختفى رعبه
 وجزاءك من جنس العمل

*´'`°¤¸¸.•'´`'•.¸¸¤°´'`**´'`°¤¸¸.•'´`'•.¸¸¤°´'`*


الاساليب مختلفة وما بتتكررش
بس الطبع هو هو ما بيتغيرش
اباسة وشياطين بوشوش بنى ادمين
يارب خايف على كل دول مقدرش

خطابات جاهينية الطابع.....................كلاكيت تانى مرة

مادام ما جربتش اوعاك تقول مقدرش

ولا يوم تقول أرتاح مادمت مابتتعبش

اتجرأ مرة وجرب صدقنى ماهتخسرش

واتعلم النجاح ماتقولش لاء معرفش

ـــــــــــــــــــــــــــــــــــــــــــــــــــــــــــــــــــ

 لو فكرة فماغك اياك تضيعها

ولو التراب غطاها حاول تلمعها

وشبكة الاحباط جرب تقطعها

ييجى بكرة الفكرة تكبر والناس هتسمعها

ـــــــــــــــــــــــــــــــــــــــــــــــــــــــــــ

لما يواجهك تحدى غامر واتحدى منافسك

يمكن بكرة اما تكبر تقدر تتحدى نفسك

توصل للى اتمنيته

واللى ليالى استنيته

حلمك تلاقيك صحيته

وتزيد ثقتك فنفسك

خطابات جاهينية الطابع

لو عفريت اتربصلك

وفوسط العتمة قعدلك

اقرب شباك يقابلك

افتحه على مصراعيه

عفريتك راح يتبدد

والنور يمنعه يتجدد

جوة القمقم هيمدد

دى وصفة سهلة يا بيه




☆:*´¨`*:..:*´¨`*:.☆




خفافيش فى الضلمة مستخبية

وفسقف طموحك مستنية

نور لمبة شجاعتك المنسية


واقدر عليهم بصرخة قوية




☆:*´¨`*:..:*´¨`*:.☆




لو حلمك يوم انهار ما تتدمرش

واذا يوم ضيعته ما تتكدرش

من تحت الانقاض هتطلع افكار جامدة ما بتهزرش

تبنيلك احلام خرسانة ماتتكسرش

وبتعبك تبقى حقيقة ثابتة ما تتغيرش

مولد

          


  وسط الزحمة تايهين

 ضاعوا ماهماش باينين

فى اللى اتعكزعلى غيره 

 شاف فيه نوره ودليله

وفى اللى باع ضميره
وخسر دنيا ودين

فى اللى بتجرى على ضناها
ماهو يستاهل شقاها 

فى اللى السّكينة سرقاهم

 بالمولد فرحانين

  فى ناس متوحدين 

 وناس موحدين

 وناس متعنطزين

ع السٌلم رقاصين

 فى عالم منفوخين 

 من جواهم فاضيين

 فى عيال عمالة تلعب 

 ومزقططين هايصين

 فى ناس نايمين  

وناس صاحيين

 وناس عايشين
 ومش عايشين

فى ناس قادرين 

وناس مساكين

 وناس تعابين

وناس ضايعين

 فى ناس ضالين 

 فى ضلاليين

 فى مرتاحين

فى شقيانين

 مولد والساقية دايرة

 ايه الحكمة؟؟

  مش فاهمين

 امتى هاينفض طيب؟
اهو دة اللى مش عارفين

فى الحب والحب فقط

فى الحب والحب فقط ..

يتلاشى المنطق وتتحول المتضادات الى مترادفات


فى الحب والحب فقط...

يسمع القلب مالم يبح به اللسان

فى الحب والحب فقط ..

يدور اعظم حوار لا يعرفه سوى اثنان بين القلب والعين

فى الحب والحب فقط تتمنى سرعة

الشيخوخة كى تمنع شبابك من ارتكاب حماقة اخرى تتركك هى من اجلها

فى الحب والحب فقط .......لا مجال لسلطة العقل ......

فقط يكون لقلبك كل السيادة....يسطو على تفكيرك الى ان يملكه


فى الحب والحب فقط......يكون شروقى وغروبى حسب التوقيت المحلى لقلبك

فى الحب والحب فقط.......تسلم دفة قاربك لربان اخر غيرك يقودها.....

ذلك انك انت بقاربك قد صرتم مقتنياته



احم احم الكلام دة خرج من جوايا فيهمنى جدا جدا رأيكم فيه

.............وحقوق (النشل ) محفوظة :

حبيبتى اسراء انا بجد مش عارفة اقولك ايه بس بجد انتى بنوتة هايلة وانا بحبك خالص 

ملتلك مدونة يارب تعجبك وتبقى وش سعد عليكى 

اى لف يو انتى والغلسة اللى جنبك ههههههههههههه