Monday 20 September 2010

خطابات جاهينية الطابع ...تالت مرة ....اكشن

من فشلك تقوى ما تتعبش
دى الشمس بتشرق بعد مغيب
حاول تانى وماتيأسش
مهما تخيب لك يوم هتصيب
تتعلم من فشلك مرة
تتجنب سببه تانى مرة
راح تنسى اللحظات المرة
لما نجاحك يبقى قريب




*´'`°¤¸¸.•'´`'•.¸¸¤°´'`**´'`°¤¸¸.•'´`'•.¸¸¤°´'`*

اصحى لبكرة.. فجر فكرة.. ابنى حياتك واشترى امل
بيع اليأس ..انسى الغم ..هد همومك سيب الممل
وان طلع البعبع ماتخافش

ولا تقلقش
ولا تهربش
صاحبه وحبه يختفى رعبه
 وجزاءك من جنس العمل

*´'`°¤¸¸.•'´`'•.¸¸¤°´'`**´'`°¤¸¸.•'´`'•.¸¸¤°´'`*


الاساليب مختلفة وما بتتكررش
بس الطبع هو هو ما بيتغيرش
اباسة وشياطين بوشوش بنى ادمين
يارب خايف على كل دول مقدرش

10 comments:

HaDeer .R said...

عسولين خالص يا سوسته ماشاء الله كل بوست بيبقى احلى من اللى قبله استمرى بقى :)

esraa_mokaidam said...

ربنا يخليكى يا دودو
اشتغلى انتى كمان عندك بقى وابدعى وادهشينا

Esraa El Banna said...

عجبتنى اوى اول واحده يا اسراء
مية مية يا باشا بجد :D :D
هى اكتر حاجة عجبانى


الباقيين جامدين بردو

كيب جوينج يا ساسو :)

Kiara said...

ياجامد ياجامد

حكم بتدي حكم :)

راح تنسى اللحظات المرة
لما نجاحك يبقى قريب



عجبتني الفقرة دي اوي :)

Unknown said...

من فشلك تقوى ما تتعبش
دى الشمس بتشرق بعد مغيب
حاول تانى وماتيأسش
مهما تخيب لك يوم هتصيب
تتعلم من فشلك مرة
تتجنب سببه تانى مرة
راح تنسى اللحظات المرة
لما نجاحك يبقى قريب

كلام جميل اوى وعجبنى جدا دى زيارتى الاولى واكيد مش الاخيرة تقبلى مرورى .....منه

Anonymous said...
This comment has been removed by a blog administrator.
esraa_mokaidam said...

كيارا ...........منوراااانى بجد يا حبيبة قلبى

esraa_mokaidam said...

عاشقة وبدوب ف حبيبى : منورة المدونة اعتبريها زى بيتك وشرف ليا اكييييد انك تيجى تانى
منورانى حبيبتى

ويكا said...

اقول ايه طيب؟
لازلت معجب بهذه الجاهينيات الطبع ، ولازلت استشعر قوه ادبيه .

شكرا لكى

esraa_mokaidam said...

ويكا:
:) .........كلامكم دة بجد بيفرحنى جدا
رغم انى لازلت شيفاه كتيييييييييير جدا جدا على سوستة