Monday, 13 September 2010

خطابات جاهينية الطابع.....................كلاكيت تانى مرة

مادام ما جربتش اوعاك تقول مقدرش
ولا يوم تقول أرتاح مادمت مابتتعبش
اتجرأ مرة وجرب صدقنى ماهتخسرش
واتعلم النجاح ماتقولش لاء معرفش



ـــــــــــــــــــــــــــــــــــــــــــــــــــــــــــــــــــ
 لو فكرة فماغك اياك تضيعها
ولو التراب غطاها حاول تلمعها
وشبكة الاحباط جرب تقطعها
ييجى بكرة الفكرة تكبر والناس هتسمعها

ـــــــــــــــــــــــــــــــــــــــــــــــــــــــــــ
لما يواجهك تحدى غامر واتحدى منافسك
يمكن بكرة اما تكبر تقدر تتحدى نفسك
توصل للى اتمنيته
واللى ليالى استنيته
حلمك تلاقيك صحيته
وتزيد ثقتك فنفسك


12 comments:

ويكا said...

هو بجد الكلام ده بتاعك؟!

حَـبآيـۃْ.بـטּـدۉڷ said...

آنستي العزيزه سوسته ..

بعد خطاباتك بجد انا مش عارفه اقولك ايه ؟

التلاته احلى من بعض .. :):)

دمتي مبدعه دايماً كده .. :)

الانسة سوستة said...

:ويكا
وربنا ....وربنا كمان مرة التخاريف دى تخاريفى.............مجرد تخاريف :D

الانسة سوستة said...
This comment has been removed by the author.
الانسة سوستة said...

انستى العزيزة حباية :D
يارب يخليكى ليا بس كلمة مبدعة دى كبيرة اوى عليا على فكرة انا بس بخرف بصوت عااااااااااااالى :) :) :)))

Esraa El Banna said...

الله !

جميلة اوى الفكرة و عبرتي عنها باسلوب جميل :)

برافو يا بت يا سوستة بجد زعلانه عشان معملتيش بوست و لا تاج ع الفيس فيها :(

هاستنى التاج الجاى يا ...... أوحي :D :D :D

كيب جوينج يا فتاة :*

HaDeer .R said...

تحفه تحفه فعلا سا سوسو ربنا يوفقك يا بنتى و يزيدك :)

Noha Saleh said...

بجد حلوة اوى
بصى مش عارفة اعلق اقول ايه
بس انتى كاتبة كلام حلو اوى
يشبه لكلام صلاح جاهين
مدونتك جميلة

الانسة سوستة said...

اسراء :معملتش والله لحد تاج فيها خالص بس عملتلها شير على الفيس

الانسة سوستة said...

هدير :يارب يخليكى ليا يا قمراية

الانسة سوستة said...

noha saleh :يارب يخليكى يارب زى مانتى رافعة معنوياتى كدة يارب
انتى اجمل :)

كيــــــــــــارا said...

لما يواجهك تحدى غامر واتحدى منافسك
يمكن بكرة اما تكبر تقدر تتحدى نفسك
توصل للى اتمنيته
واللى ليالى استنيته
حلمك تلاقيك صحيته
وتزيد ثقتك فنفسك

عجببتني دي اوووووووووووي

ياانسة سوسته ؛)

وحشاني اوي يامثتفزة ياصغننه ؛)

There was an error in this gadget