Wednesday, 6 April 2011

منونا

                                                                            البوست المرادى مفهوش شعر 
                                                                      مفهوش قصايد....بس فيه رغى كتير اوى

 
                                              كنت مجهزة البوست دة من زمان بس كنت مستنية اعمل حاجة تخليكى فخورة بيا
                                                          بس اللى حصل خلانى اعيد صياغة البوست مالاول وجديد


خليها ترجع ماهى خلاص عرفت ان الناس بتحبها 
وعرفت غلاوتها عند الناس 


                                                                                       كلنا عارفين انك محتاجة تبعدى
                                                                                     بس ساعات البعد بيوجع مش بيريح

                                                                   انا مش بعرف اتكلم بس انتى اكيد حاسة انا عاوزة اقولك ايه 
                                                                                 .. الجروب من غيرك طعمه وحش اوى
                                                                               كاننا كلنا تايهين  وماشيين بنخبط فى بعض
                                                                                               حاسة ان انا يتيمة
                                                         وعمالة تحصلى اخبار مفرحة ومش عارفة افرح بيها لانك مش موجودة
                                                                                                فاكرة لما نجحت؟
                                                                                   كنتى اول حد ابلغه بنجاحى بعد اهلى
                                                                         النهاردة انا بمر بنجاح تانى ومش عارفة افرح بيه
                                                                                        مش قادرة افرح وانتى زعلانة
                                                                                           معرفش هتصدقينى وللا لاء
                                                                                           .....بس مش مهم تصدقى
                                                                                                المهم انى اتكلمت
                                                          طب هتصدقينى لو قلتلك انه من يوم ما مشيتى ماقرتش كتاب واحد؟
                                                                               وانتى عارفة يعنى ايه قراية بالنسبالى
                                                                        
                                                                       لو مش عاوزة ترجعى مش هنجبرك على حاجة
                                                                                          بس عاوزاكى تفتكرى 
                                                                                      انك كنتى ام وصديقة واخت           
                                                                     لناس مش عارفين يعيشوا بشكل طبيعى وانتى بعيدة
                                                                                  افتكرى ان انتى السبب فنجاحى
                                                                          اللى انا اصلا مش عارفة احس بطعمه من غيرك
                                                                                   مش عارفة اخليكى تفخرى ببنتك
                                                                                                     لانى ببساطة
                                                                                      مش فخورة بنفسى وانتى بعيدة

                                                                                       بــــــــــحـــــــــــبـــــــــــــــك


                                                                   البوست ملخبط ومش مترتب كويس :)).........مش مشكلة 
                                                                                            المهم انى اتكلمت
                                                                                                يارب تقريه 

5 comments:

mena said...

يارب يا ستوته تقرأ البوست وترجع

ويارب تعرف ان والله والله والله كلنا بنحبها

وانا اللى قال كده اكيد مش قاصد

المعنى ده لانى عارفه وكلنا عارفين

قد ايه غاليا عند الناس كلها وربنا

يعلم بغلوتها علينا يارب ترجع عشان

من غيها الدنيا ملهاش طعم وعشان

انتى متزعليش وعشان تعرفي تفرحى

يارب متزعل ولو زعلت تسامح بسرعه

عرفاه قلبها طيب وهتسامح بسرعه ده

مش رأى انا لا ده رأى كل الناس اللى

بيحبوها واللى بيقرولها واللى

بيستنوى البوست بتاعها بفارغ الصبر

كلنا بنحبك يا منوناوالله العظيم

мαησηα said...

انا قرات البوست اول يوم وكتبت كومينت وماتنشرش بسبب النت

انتى عارفة انتى ايه بالنسبة لى

انا زعلت لما سمعت الجملة دى خصوصا لما اتكررت وكان انا قاصدةة انى ابعد عنكم علشان اعرف مين هيسأل عنى ومين مش هيسأل وعارفة انها وجعتنى لما طلعت منك انتى يا اسراء

انتى مابقتيش انتى وانتى عارفة السبب

هاعتبرنى ماشوفتش البوست لان البوست ده طلع من بنتى لحد مابنتى ترجع مستنياكى

أميرة said...

يا بختها بيكي .. بس كده :)
خليتيني أدمع يا إسراء

مونتي بوكيه ورد said...

منونه .. تعرفي ناس كتير بعدت في حياتي و كلهم كانوا بيبعدوا غصب عني
وناس بعدت من غير انذار و ناس بعدت بقصد وناس بعدت غصب عنها
كلهم بعدوا و كل واحد ساب وراه ذكريات جميله .. مين في الدنيا ممكن ينسي اوركيد ريييييم ؟
و لمسات الجواز وسنينه
و عزومة كرم في كاتشب
الجري ع المشايه مع مودي
و الايس كريم علي شط اسكندريه
رحيق ال بنحبهم .. اول ورده اخدناها من حد بيحبنا بجد و اول ورده بعتناها في جواب مسجل لعنوان بنوته بنحبها
كل دي حاجات حلوه ومتتنساش
انا بشكرك لانك بعتي لمنونه الجواب ال كان نفسي ابعتهولها و اشنغلت و ملحقتش ابعته بس شوفي في التوبيك عندي هتلاقيني مناديلها في اسئل عن ال غايب هنا اطمن علي اصحابك هنا
كانت أخر حد سالت عليه.. و سبتله سؤال عند ساره و تاه السؤال وسط الزحمه
مش محتاجين اننا نبعد عشان نشوف غلاوتنا عند ال بنحبهم لان ال بنحبهم هيفضلوا جوانا مهما بعدوا
ربنا يرجعك بالسلامه يا منونه انتي وكل ال غابوا وبنحبهم
:))

مونتي بوكيه ورد said...

صحيح يا ريم انتي بتقولي منونه كانت أم وأخت ليكي ولقلوب كتير .. وبالمناسبة دي فكرتيني بأول مره قابلتك فيها مع ساجي وداليا قوس قزح و كيارااا ووليد و رامي و كنت أول مره أشوفكم وكان كل ال بيشوفني مع منونه بيسألها أخوكي ؟
وكانت مابتكسفش حد .. كانت بتقولهم ايوه دا محمد أخويا اللي مش من أمي وأبويا .. فاكر أنا مش ناسي

There was an error in this gadget