بالعند فيكى يا دنيا هتحمل
ولا يوم هقف وفسكتى مكمّل
وان حطيتيلى ميتين مطب فى طريقى
همشى لحد ما حلمى يتكمّل
بالعند فيكى انا هقوى مش هضعف
واقف قصادك بوعدك واحلف
مهما ان رميتى الحمل على ضهرى
مش هتكسرينى وقلبى مش هينزف
بالعند فيكى يا دنيا مش هسمح
ولا يوم هوافق قلبى يتجرّح
وان رصيتيلى الهم فوق كتفى
هعند معاكى بضحكتى وافرح
6 comments:
بالعند فيكي يا دنيا
روعة كالعادة يا إسراء عجبوني اوي بجد
كيب جوينج يا سوستة ^_^
بعض ما عندكم يا سوستى :)
الخاطرة جميله
وفيها تحدى اجمل
وكلمتها بكل قوة
بس ...
ليه دايما بنتحامل على الدنيا
وهى جميله
واطيب ما يكون
ناسها هى اللى قاسيه
وقلوبها مبترحمش
صح يا سوسته ؟؟
ربنا يسعد قلبك
تحياتى
حلوة يا سوسته وعجبنى التجديد اللى عملتيه فى اخر جزء ده
موهوبه كعادتك
yomna adel mahmoud
اهو باللي قولتي ده
تبقي بتكشملّها
وبصراحه ونعمَ التكشيم
اصرار
تحدي
تفاؤل
حلوه بجد
Post a Comment