Thursday 7 October 2010

خطابات جاهينية الطابع....4

تقابلنى لحظة حلوة
افرح بيها واطير
يقابلنى خوف وضيق
اردم عليهم البير
كلامى للى سألو 
عن السعادة كتير
وسلامى للى كسروا 
ملل الصمت بزمامير

*´'`°¤¸¸.•'´`'•.¸¸¤°´'`**´'`°¤¸¸.•'´`'•.¸¸¤°´'`*

عقول خدت الاجازة
دى عقول مالهاش عازة
من كتر الركنة ماتت
وهنشيعلها الجنازة
شغل مخك يا هذا
واياك تديه اجازة
وسع للفهم سكة
فكر واسأل لماذا

*´'`°¤¸¸.•'´`'•.¸¸¤°´'`**´'`°¤¸¸.•'´`'•.¸¸¤°´'`*

اتعرف على نور الشمس
وافتح بيبانك للهوا
اتنطط فوق سور اليأس
وفى البراح تلقى الدوا
حاجز حدودك يختفى
هاجس مخاوفك ينطفى
كل المتاعب تتنسى
فرحة وامل يزوروك سوا

12 comments:

Kiara said...

عقول خدت الاجازة
دى عقول مالهاش عازة
من كتر الركنة ماتت
وهنشيعلها الجنازة
شغل مخك يا هذا
واياك تديه اجازة
وسع للفهم سكة
فكر واسأل لماذا

ياسيدى علي الكلام الموزون

حلو اوي الرسايل دى

جامدة:)

esraa_mokaidam said...

دانتى اللى جامدة
انا بعك بس مش اكتر :D

Kiara said...

يابنتي سيبي العك لينا

انتى الاجمد والله

мαησηα said...

اتعرف على نور الشمس
وافتح بيبانك للهوا
اتنطط فوق سور اليأس
وفى البراح تلقى الدوا
حاجز حدودك يختفى
هاجس مخاوفك ينطفى
كل المتاعب تتنسى
فرحة وامل يزوروك سوا


عجبتنى اوى اوى دى دعوة حلوة اوى للتفائل بس للى يفهمها ويعمل بيها بجد

تسلم اياديكى يا سوستى
ومش عك ولا حاجة اللى بتكتبيه درر انتى بس اللى متواضعة شويتين تلاتة

بحبك اوى
♥♥

Esraa El Banna said...

الله عليكي يا سوستة يا جميل بجد



عقول خدت الاجازة
دى عقول مالهاش عازة
من كتر الركنة ماتت
وهنشيعلها الجنازة
شغل مخك يا هذا
واياك تديه اجازة
وسع للفهم سكة
فكر واسأل لماذا

*´'`°¤¸¸.•'´`'•.¸¸¤°´'`**´'`°¤¸¸.•'´`'•.¸¸¤°´'`*


دى اكتر واحده عجبتنى جدا جدا جدا

انطلقى يا سوستة و ابدعي بجد يجننوا :D :D :D

esraa_mokaidam said...

كيارا
يارب يخليكى ليا يارب:)

esraa_mokaidam said...

منونة قلبى انا

مبسوطة انها عجبتك ودى لا درر ولا حاجة والله دة عك يا بنتى اسالينى انا :))
بحبك اكتر والله♥♥♥♥

esraa_mokaidam said...

اسراء

دة انتى اللى تجننى والله :) تسلميلى يارب

ويكا said...

استاااااذ :)

esraa_mokaidam said...

:D

HaDeer .R said...

جميله اوى يا سوسو انا كمان اكتر واحده عجبتنى عقول خدت اجازه بس كلهم كلهم تحفه والله :)

esraa_mokaidam said...

ربنا يخليكى ليا يا هدير
مستنية ابداعاتك ;)