لو عفريت اتربصلك
وفوسط العتمة قعدلك
اقرب شباك يقابلك
افتحه على مصراعيه
عفريتك راح يتبدد
والنور يمنعه يتجدد
جوة القمقم هيمدد
دى وصفة سهلة يا بيه
☆:*´¨`*:..:*´¨`*:.☆
خفافيش فى الضلمة مستخبية
وفسقف طموحك مستنية
نور لمبة شجاعتك المنسية
واقدر عليهم بصرخة قوية
☆:*´¨`*:..:*´¨`*:.☆
لو حلمك يوم انهار ما تتدمرش
واذا يوم ضيعته ما تتكدرش
من تحت الانقاض هتطلع افكار جامدة ما بتهزرش
تبنيلك احلام خرسانة ماتتكسرش
وبتعبك تبقى حقيقة ثابتة ما تتغيرش
